«Заң мен Тәртіп» қағидаты аясында және пробация есебінде тұрған азаматтар арасында құқық бұзушылықтың алдын алу мақсатында Астана қаласының прокуратурасы сотталғандармен кездесу өткізді, деп хабарлайды astana-akshamy.kz
Іс-шараға Қылмыстық-атқару жүйесі департаменті, «Жанұя» отбасы институтын қолдау орталығы, Еңбек мобильділігі орталығы өкілдері қатысты.
Кездесу барысында сотталғандарға пробациялық бақылауды сақтау тәртібі мен шарттарытүсіндіріледі.
Шартты түрде мерзімінен бұрын босату мерзімдері, жұмыспен қамтылу, түнгі уақытта жұмыс істеу, оқуға бағыттау, балаларын мектепке дейінгі мекемелерге орналастыру және жалпы орта білім алу, медициналық көмек алу, сот және соттан тыс банкроттық рәсімдеу, қарыздарды қайта қаржыландыру, сондай-ақ өзге де қажеттіліктер бойынша әлеуметтік, құқықтық және психологиялық көмек алу тәртібі туралы қойылған сұрақтарға жауаптар берілді.
