Жұмысшы мамандықтар жылы аясында Астана қаласындағы Технологиялық колледждің «Кондитер» мамандығының бірінші курс студенттеріне арналған экскурсия ұйымдастырылды, деп хабарлайды astana-akshamy.kz
Студенттер «Анвар» гипермаркетіне барып, өндірістік процестермен танысты.
Экскурсияның негізгі мақсаты – жастардың жұмысшы мамандықтарына қызығушылығын арттыру және тамақ өнімдері өндірісі саласын насихаттау болды.
«Анвар» гипермаркетінің директоры Жұлдыз Есімбетова кәсіпорынның даму тарихы мен ерекшеліктері туралы айтып берді.
Ал өндіріс меңгерушісі Қарлығаш Тілеубай асүй жұмысына шолу жасап, технолог ретіндегі тәжірибесімен бөлісті.
Студенттер пайдалы мәліметтер алып, экскурсияның болашақ кәсіби даярлықтары мен тәжірибелік дағдыларын дамытуға зор ықпал ететінін атап өтті.
