Қазақстан Президенті Қасым-Жомарт Тоқаев Астанада 29 шілде мен 9 тамыз аралығында өтетін «Болашақ ойындары-2026» (GOTF 2026) халықаралық турниріне дейін кері санауды ресми түрде іске қосты, деп хабарлайды astana-akshamy.kz
Салтанатты рәсім 24 сәуірде Alem.ai. халықаралық жасанды интеллект орталығында өтті.
Іс — шара барысында Мемлекет басшысына турнир тұжырымдамасы мен фиджитал-футбол, фиджитал-баскетбол, фиджитал-шутерлер, фиджитал-жекпе-жек, фиджитал-би, MOBA Mobile, MOBA PC және корольдік шайқасты қоса алғанда негізгі дисциплиналар ұсынылды. Жарыстың цифрлық және физикалық кезеңдерін бірыңғай жүйеге біріктіретін «фиджитал» форматына ерекше назар аударылды.
Турнир дирекциясының басшысы Әлібек Хасенов жобаның ауқымы туралы баяндап, қатысушылардың жоғары халықаралық қызығушылығын, кең географиясын және кешенді іріктеу жүйесін атап өтті.
«Фиджитал — бұл спортшылар цифрлық ортада да, нақты алаңда да шеберліктерін көрсететін түбегейлі жаңа формат. Біз түрлі елдердің командалары тарапынан үлкен жауап көріп отырмыз және Астанадағы турнир халықаралық жарыстарды өткізудің жаңа стандартын белгілейтініне сенімдіміз», — деді ол.
Ұйымдастырушылар атап өткендей, турнирді өткізу елдің инновациялық спорт түрлерін дамыту бағытын айқындайды. Ірі халықаралық іс-шараларды өткізу алаңы ретінде өзін дәлелдеген Астана қаласы әлемдік деңгейдегі жарыстарды қабылдауға дайын және оларды іріктеу кезеңдерінен бастап негізгі турнирге дейін толық цикл бойынша ұйымдастыруды қамтамасыз етеді.
Турнирге 50-ден астам елден 900-ден астам қатысушы жиналады, ал көрермендердің саны 100 мыңнан асады деп болжанып отыр. Жүлде қоры 4 миллионнан АҚШ долларынан асады.
«Болашақ ойындары» — бұл жаңа форматтағы халықаралық турнир, онда қатысушылар алдымен цифрлық ортада жарысады, содан кейін нақты спорт алаңдарында күресті жалғастырады. Бұл тәсіл технология мен физикалық белсенділікті біріктіреді, спорттың жаңа көзқарасын ұсынады және аудиторияны кеңейтеді.
Салтанатты рәсімнің аяқталуы 2026 жылдың ең күтілетін халықаралық оқиғаның біріне дайындықтың белсенді кезеңінің басталуын белгілейтін кері санау тақтасының символдық іске қосылуы болды.
