Испания астанасының жетекші музыкалық сахналарының бірі, Ұлттық музыка аудиториясында Республика күніне орай Қазақстанның Испаниядағы Елшілігінің ұйымдастыруымен салтанатты концерт өтті, деп хабарлайды astana-akshamy.kz.
Концерттік бағдарламада дирижер Альберт Скуратовтың жетекшілігімен өнер көрсеткен «Kazakh Quartet» камералық ансамблі мен «Madrid Festival Orchestra» қазақстандық және еуропалық композиторлардың шығармаларын орындалып, Шығыс пен Батыс мәдени дәстүрлерінің үндестігін көрсетті.
Іс-шараға Испанияның мемлекеттік органдары, іскер және академиялық қауымдастығы, дипломатиялық корпус пен халықаралық ұйымдардың басшылары, БАҚ өкілдері, сондай-ақ Корольдік аумағында тұратын қазақстандықтар қатысты.
Қазақстанның Испаниядағы Елшісі Данат Мусаев өз сөзінде Республика күні еліміздің мемлекеттік қалыптасу үдерісінде және ұлттық бірегейлікті нығайтуда маңызды тарихи маңызға ие екенін атап өтті.
«Қазақстан мәдениетаралық диалог пен халықаралық ынтымақтастықтың дәйекті жақтаушысы болып табылады. Мұндай іс-шаралар елдер мен халықтар арасындағы өзара түсіністікті дамытуға, сенімді нығайтуға және Қазақстан мен Испания арасындағы жан-жақты стратегиялық серіктестікті кеңейтуге берік негіз қалыптастыруға ықпал етеді», – деп атап өтті дипломат.
Сонымен қатар сындарлы саяси диалог, кеңейіп келе жатқан экономикалық байланыстар, сондай-ақ мәдени және білім беру салаларындағы жоғары ынтымақтастық әлеуеті тән қазақ-испан қатынастарының қарқынды дамуы аталып өтті.
Испан жұртшылығының жылы қабылдауы қазақстандық өнерге деген қызығушылықтың артып келе жатқанын айқындап, екі ел арасындағы мәдени өзара әрекетті одан әрі нығайтты.
