6 755 этникалық қазақ тарихи отанымен табысып, қандас мәртебесін алды, деп хабарлайды astana-akshamy.kz.
1991 жылдан бері Қазақстанға 1 млн 154,8 мың этникалық қазақ оралды.
2025 жылдың басынан келген қандастардың 45,1%-ы – Қытайдан, 41,7%-ы – Өзбекстаннан, 5,4%-ы – Түрікменстаннан, 2,8%-ы – Моңғолиядан, 2,4%-ы – Ресейден, ал 2,6%-ы – басқа елдерден келді.
Жас және білім көрсеткіші:
•Еңбекке қабілетті жаста – 59,8%
•18 жасқа дейін – 31%
•Зейнеткерлер – 9,2%
•Білім деңгейі: 16% – жоғары, 27,1% – орта кәсіби, 54,6% – жалпы орта, 2,3% – білімі жоқ
Қоныстанған өңірлер: Ақмола, Абай, Қостанай, Павлодар, Атырау, Батыс, Шығыс және Солтүстік Қазақстан облыстары.
2025 жылға арналған қандастарды қабылдау квотасы – 2 309 адам. 1 шілдеге дейін бұл өңірлерге 1 092 қандас көшіп барды.
Мемлекеттік қолдау шаралары:
•Көшуге: 70 АЕК (275,2 мың тг) отбасы басшысына және әр мүшесіне
•Тұрғын үй жалдауға: жылына 15–30 АЕК (59–118 мың тг)
•Экономикалық ұтқырлық сертификаты: тұрғын үй құнының 50%-ы немесе 4,56 млн тг-ге дейін (қайтарымсыз)
2025 жылы 494 қандасқа түрлі қолдау көрсетілді, оның ішінде 188 адам тұрақты жұмысқа орналасты. Солтүстік өңірлерге ерікті қоныс аударуға жұмыс берушілерді ынталандыру шаралары қабылданды.
