Елордада «Заң мен тәртіп» қағидаты аясында Сарыарқа ауданы прокуратурасының бастамасымен «Astana Hub» алаңында «Жасанды интеллектінің маңыздылығы: қолдану және қауіпсіздік» тақырыбында іс-шара өтті, деп хабарлайды astana-akshamy.kz.
Аталған іс-шараға аудан оқушылары қатысып, оның барысында жасанды интеллектінің дамуының негізгі бағыттары, оны білім беру саласында және күнделікті өмірде қолдану мәселелері талқыланды.
Киберқауіпсіздік, дербес деректерді қорғау және жасанды интеллектіні пайдалануға байланысты тәуекелдер мәселелеріне ерекше назар аударылды.
Сондай-ақ, киберкеңістікте құқық бұзушылықтар жасағаны үшін қолданыстағы заңнамада көзделген жауапкершілік шаралары түсіндірілді. Қатысушыларға цифрлық ортада қауіпсіз мінез-құлық негіздері түсіндіріліп, кибергигиена мәдениетін қалыптастыру мен әрбір пайдаланушының жеке жауапкершілігіне баса назар аударылды.
Осындай іс-шараларды өткізу балалардың цифрлық ортада қауіпсіз мінез-құлық дағдыларын қалыптастыруға, мемлекеттік органдар мен қоғамның өзара іс-қимылын нығайтуға, сондай-ақ өскелең ұрпақ үшін қауіпсіз цифрлық кеңістік қалыптастыруға ықпал етеді.
Аудан прокуратурасы кәмелетке толмағандар арасындағы құқық бұзушылықтардың алдын алуға және олардың цифрлық ортадағы қауіпсіздігін қамтамасыз етуге бағытталған жүйелі жұмысты жалғастырады.
#законипорядок #заңментәртіп
