Астана қаласы мәслихатының сегізінші шақырылымның кезекті сессиясы шақырылды, деп хабарлайды astana-akshamy.kz
«Астана қаласы тұрғындарының және қалалық мәслихаттың сегізінші шақырылым депутаттарының назарына!
2024 жылғы 25 қыркүйекте сағат 10.00 Астана қаласы мәслихатының сегізінші шақырылымының кезекті сессиясы шақырылады.
Сессияның қарауына келесі сұрақтар енгізіледі:
- Астана қаласында саябақтар мен скверлерді кешенді көгалдандыру, абаттандыру бойынша жүргізіліп жатқан жұмыстар туралы.
- Астана қаласы мәслихатының құрылыс, экология, көлік және тұрғын үй-коммуналдық шаруашылық мәселелері жөніндегі тұрақты комиссиясының есебі.
- Астана қаласының аумағын абаттандыру қағидаларын бекіту туралы.
- Астана қаласында тіркелген Қазақстан Республикасы азаматтарының жекелеген санаттарына амбулаториялық емдеу кезінде тегін медициналық көмектің кепілдік берілген көлемін, оның ішінде дәрілік заттарды, бейімделген емдік өнімдерді, медициналық бұйымдарды қосымша тегін беру туралы.
- Жер учаскелерін мемлекет мұқтажы үшін алып қоюға байланысты жер учаскелерін немесе өзге де жылжымайтын мүлікті иеліктен шығару шарттарының жобаларын келісу туралы.
- «Астана қаласында студенттік жатақханалар салу» мемлекеттік-жекешелік әріптестік жобасы бойынша мемлекеттік міндеттемелерді қабылдау туралы.
- 7. Қалалық мәслихаттың сессияларында айтылған сын-ескертпелер мен ұсыныстардың орындалу барысы туралы.
- Астана қаласы мәслихатының кезекті сессиясының қарауына енгізілетін негізгі мәселелер туралы.
Астана қаласы мәслихатының төрағасы Е. Каналимов
Анықтама үшін телефондар: 55-66-36″, — делінген хабарламада.
