«Заң мен тәртіп» тұжырымдамасын іске асыру аясында Астана қаласының прокуратурасы оқушыларға арналған профилактикалық дәріс өткізді, деп хабарлайды astana-akshamy.kz.
Атап айтқанда, №51 мектеп-гимназиясында Астана қаласы прокурорының көмекшісі Камбаев Мұхит Ерланұлының қатысуымен іс-шара ұйымдастырылды.
Дәріс барысында 8–11 сынып оқушыларына қоғамдық орындарда өзін-өзі ұстау қағидалары түсіндіріліп, сондай-ақ жастар арасында жиі кездесетін құқық бұзушылықтар үшін көзделген заңдық жауапкершілік түрлері, оның ішінде алаяқтық, дропперлік, есірткі қылмыстары және өзге де құқыққа қайшы әрекеттер туралы ақпарат берілді.
Іс-шарамен 300-ден астам оқушы қамтылды.
Дәрістің негізгі мақсаты – оқушылардың құқықтық сауаттылығын арттыру, жасөспірімдердің құқыққа қайшы және қылмыстық әрекеттерге тартылу тәуекелін төмендету, сондай-ақ құқық бұзушылықтарға төзбеушілік көзқарасты қалыптастыру.
Астана қаласының прокуратурасы білім беру ұйымдарында өткізілетін профилактикалық іс-шаралар кәмелетке толмағандар арасындағы құқық бұзушылықтардың алдын алудың маңызды тетіктерінің бірі екенін атап өтеді.
