АҚЫНДЫ АРДАҚТАДЫ

0 113

Арқалық қазақ жасөспірімдер театры Астанадағы гастрольдік сапары барысында халық ақыны Нұрхан Ахметбековтің 110 жылдық мерейтойына орай Қ.Қуанышбаев атындағы мемлекеттік академиялық Қазақ музыкалық драма театрында «Нұрхан» драмасын көрермен назарына ұсынды.

Режиссер Сәлима Тасеменова сах­налаған Серік Тұрғынбекұлының бұл туындысы Нұрхан ақынның өмірінен сыр шертіп, өткір поэзиясы мен үздік айтыс­тарын да қамтиды. «Нұрханның көзін көрген адаммын. Оған еліктеп өстім. Ол жалғыз менің ғана емес, Торғайдың киелі топырағынан шыққан Сырбай Мәуленов, Ғафу Қайырбековтердің де ұстазы. Ауыз әдебиеті мен бүгінгі жазба өлеңнің алтын көпіріне айналған, Кене­сарының батырларын жырлап, аштық туралы дастан жазып, шығармашылығының азабын тартқан тұлғамыздың өмірін көрсету көңілімде жүргеннен кейін осы тақырыпта қалам тербедім» дейді автор.

Оның айтуынша, 1980-2000 жылдары аралығында жазылған пьеса – ақынның өмірі ғана емес, тұтас бір өлкенің тарихы. Қойылым соңында сахна төріне Нұр­хан ақынның ұрпақтары шығып, басты рөлді сомдаған Орынбасар Қойбағаровқа
алғыс айтты.

Мәдина ЖАҚЫП

 

Пікір жазу

Почтаңыз жарияланбайды

16 − 9 =