Шахматтан әлем чемпионатында елордалық оқушы күміс медаль иеленді, деп хабарлайды www.astana-akshamy.kz/
Бразилияда өткен шахматтан әлем чемпионатында Астана қаласының 70 мектеп-лицейінің 10Е сынып оқушысы Аңсат Алдияр күміс медальға қол жеткізді.
Өткен жылы Алдияр осы чемпионатқа алғаш рет қатысып, қола медаль алған еді.
Биыл алпыстан астам мемлекеттің 93 жасөспірім шахматшылары ішінен алға шығып күміс медальді елдің қоржынына салып, еліміздің көк туын желбіретті.
Әлемде шахмат – ақыл-ойды дамытатын спорт түрі болып саналады. Бүкіл әлемді жаулаған шахмат ойынын көшбасшылар ойнайды. Оқуда алғыр Алдияр шахмат ойнап әлемді талай бағындырып, жетістіктерімен елді қуантады деп сенеміз.
