Астанада Тамыз конференциясы аясында ұстаздардың дәстүрлі форумында жүздеген ұстаз Абай Құнанбайұлының әйгілі «Желсіз түнде жарық-ай» әнін шырқады, деп хабарлайды astana-akshamy.kz
400 педагог Тамыз конференциясы аясындағы қоғамдық-гуманитарлық бағыттағы «Педагогтердің кәсіби дамуы: болашаққа бағдар» панельдік сессиясын Абайдың «Желсіз түнде жарық-ай» әнін орындап ашты. Ақынның бұл әні домбырамен бірге шырқалды.
Іс-шараны №87 Абай атындағы мектеп-гимназия ұйымдастырды. Сол сияқты жиында Абайдың әндері, өлеңдері мен қара сөздері орындалды.
Айта кетейік, биыл елімізде қазақтың ұлы ақыны, философ Абай Құнанбайұлының 180 жылдығы кең көлемде атап өтіліп жатыр.
