Бүгін «Таза Қазақстан» экологиялық акциясы аясында Белсенді ұзақ өмір орталығы әлеуметтік нысан аумағын көгалдандыру сияқты маңызды әрі игі іске қатысты, деп хабарлайды astana-akshamy.kz.
Алматы және Сарайшық аудандарынан келген күміс волонтерлер орталық қызметкерлерімен бірге ағаш отырғызу жұмыстарына шығып, қаланың экологиялық жағдайын жақсартуға және көріктендіруге өз үлестерін қосты. Жұмыстар болашақта одан әрі жасыл әрі жайлы кеңістікке айналатын әлеуметтік нысан аумағында жүргізілді. Олардың белсенді қатысуының арқасында 20 түп жаңа ағаш отырғызылды, олар уақыт өте келе жасыл әрі жайлы ландшафтың бір бөлігіне айналады.
Іс-шараға Белсенді ұзақ өмір орталығының директоры Серік Жолаушыұлы те қатысып, бастаманы қолдап, қатысушыларға олардың қосқан үлесі мен жанашырлығы үшін алғысын білдірді.
Акцияның демеушісі ретінде экологиялық бастамаларды және еліміздегі жасыл жобаларды белсенді түрде қолдайтын «Байтақ» жасылдар партиясы болды.
Мұндай іс-шаралар тек қоршаған ортаны жақсартуға ғана емес, сонымен қатар ұрпақтарды біріктіріп, табиғат пен туған қалаға деген қамқорлыққа шабыттандырады.
