«Таза Қазақстан» республикалық ағаш отырғызу акциясы аясында елорданың барлық ауданында абаттандыру және көгалдандыру бойынша ауқымды жұмыс жүргізіліп жатыр, деп хабарлайды astana-akshamy.kz.
Таңертеңнен бастап аумақтарды санитарлық тазалау жұмысы жүргізілуде: қоқыс шығарылып, саябақтар, гүлзарлар, тұрғын үйлердің аулалары, сондай-ақ бизнес нысандарына, қоғамдық тамақтану орындарына және басқа да ұйымдарға іргелес аумақтар ретке келтірілуде.
Экологиялық науқанға елорда тұрғындары, мәдениет қайраткерлері, қоғам белсенділері, кәсіпорын қызметкерлері, МИБ/ПИК, шағын және орта бизнес өкілдері, еріктілер, студенттер және белсенді азаматтар қатысып жатыр.
«Біз ауламызды ретке келтіріп, қоқыс жинап, көршілерімізбен жақынырақ араластық, көңіл күйіміз керемет. Астананың ортақ күш-жігердің арқасында көркейіп жатқанын көру қуантады. Мұндай акцияларға қатысу – қаламыздың жайлылығы мен болашағына қосқан әрқайсымыздың үлесіміз деп ойлаймын», – деді елорда тұрғыны.
Әкімдік тұрғындарды экологиялық айлықты қолдауға және өз үлестерін қосуға шақырады. Бастаманың негізгі мақсаты – тазалықты сақтау мәселелеріне назар аудару және тұрақты экологиялық мәдениетті қалыптастыру.
Әрбір қала тұрғыны мен ұйым көшелер мен аулаларды абаттандыруға үлес қосып, қаланы таза, жайлы әрі экологиялық тұрғыдан қолайлы ете алады.
#ТазаҚазақстан #экология #TazaChallenge #Жасылболашақ @TazaQazaqstan
