Жаңа қаладағы алғашқы минуттар көбінесе қарапайым сұрақтардан басталады: қоғамдық көлікті қалай пайдалану керек және жолақыны қалай төлеуге болады? Бұл туралы Астана қаласының Инвестициялар және кәсіпкерлікті дамыту басқармасы ақпарат берді, деп хабарлайды astana-akshamy.kz.
Астана жыл сайын мыңдаған туристер мен іскерлік сапармен келетін қонақтарды қабылдайды. Сондықтан қалалық көліктің қолжетімділігі мен ыңғайлылығы елордада жайлы болудың маңызды бөлігі болып қала береді.
Көлік қызметтерінің қолжетімділігін арттыру мақсатында Visit Astana, CTS және Avtobys халықаралық Астана әуежайында бірлескен жобаны іске қосты. Енді елордаға келген сәттен бастап туристер 5, 10 немесе 15 жол жүруге арналған туристік көлік картасын сатып ала алады.
