Астанада ҚР Қаржы министрлігінің ұйымдастыруымен «Бухгалтерлік кәсіпті дамыту мен кәсіби бухгалтерлік ұйымдардың рөлі» тақырыбында дөңгелек үстел өтті. Іс-шараның мақсаты – халықаралық тәжірибе алысу және бухгалтерлік мамандыққа деген сенімді нығайту, сондай-ақ мамандарды даярлау сапасын арттыру мен кәсіби реттеу жүйесін жетілдіру жолдарын талқылау, деп хабарлайды astana-akshamy.kz.
Басқосуға бухгалтерлердің жұмыс істеп тұрған кәсіби ұйымдарының, бухгалтерлерді кәсіби сертификаттау жөніндегі 19 ұйымның (БКСҰ), аудиторлық ұйымдардың 6 палатасының (АУП), сондай-ақ аудиторлық қызмет жөніндегі кәсіптік кеңестің (АҚКК) өкілдері қатысты. Дөңгелек үстелге бухгалтерлердің халықаралық білім беру стандарттарын, кәсіби бухгалтерлердің этика кодексін, халықаралық аудит стандарттары мен қоғамдық сектор үшін халықаралық қаржылық есептілік стандарттарын әзірлейтін Халықаралық бухгалтерлер федерациясының (ХБФ) өкілі шақырылды.
Сондай-ақ іс-шараға әлемнің 180 астам елінде біліктілігі расталған Сертификатталған бухгалтерлер алқабилер қауымдастығының (ACCA) өкілдері қатысты.
ХБФ өкілі бухгалтер мамандығына және жалпы қаржы жүйесіне деген сенімді нығайту мақсатында федерацияға мүше кәсіби бухгалтерлік ұйымдарға қойылатын талаптар туралы айтып берді.
Өз кезегінде ACCA өкілдері (ХБФ мүшесі ретінде) халықаралық стандарттар мен федерация талаптарына сәйкес қауымдастықтың іс-әрекеттері туралы айтып, ой бөлісті.
Дөңгелек үстелге жиналған азаматтар бухгалтерлік кәсіпті дамытудың заманауи үрдістерін, кәсіби даярлықтың ашықтығы мен сапасын арттыру мәселелерін, сондай-ақ Қазақстандағы бухгалтерлік ұйымдардың рөлін одан әрі нығайту жолдарын пысықтады.
Іс-шара тәжірибе алысып, бухгалтерлік кәсіпті нығайту үшін қажетті өзекті реформаларды талқылаудың маңызды алаңына айналды. Кәсіби ұйымдардың өкілдері кездесу нәтижелері бухгалтерлік қызметтің стратегиялық бағыттарын түзетуге және кәсіби білім мен сертификаттаудың ұлттық жүйесіне халықаралық стандарттар мен үздік тәжірибелерді енгізуге ықпал ететінін атап өтті.
