Елордалық прокуратура титулды спортшыларды қатыстыра отырып оқушыларға дәріс өткізді
«Заң мен тәртіп» тұжырымдамасы аясында елордалық прокуратура Алихан Бөкейхан атындағы №76 мектеп-лицей 9–11 сынып оқушыларына Қазақстан Республикасының кикбоксинг бойынша титулды спортшылары Азиз және Икрам Бабаевтардың қатысуымен дәріс өткізді, деп хабарлайды astana-akshamy.kz
Іс-шара құқықтық сипатта өтіп, заң талаптарын және қоғамдық тәртіпті сақтаудың маңыздылығын түсіндіруге, буллингтің, зорлық-зомбылықтың, ұрлық пен вандализмнің алдын алуға бағытталды. 100-ден астам оқушы қатысты.
Прокуратура қызметкерлері оқушылардың көптеген сұрақтарына жауап берді, оның ішінде құқық бұзушылық жасаудың салдарына қатысты сұрақтар да қамтылды.
Шақырылған қонақтар сондай-ақ спортпен жүйелі түрде айналысудың және жоғары нәтижелерге қол жеткізудің маңыздылығын атап өтті.
