ҚР ДСМ бас штаттан тыс педиатры Айнұр Мақсұтова ОКҚ алаңында өткен дөңгелек үстел барысында атап өткендей, халықаралық тәжірибені ескере отырып және педиатриялық көмектің жаңартылған стандартына сәйкес ерте араласудың жаңа моделі ұсынылады. Бұл тәуекел факторлары, даму бұзылыстары немесе оларға күдік бар балалар медициналық-санитариялық алғашқы көмек көрсету ұйымдарында құрылған ерте дамыту және араласу орталықтарында көмек алған кезде жасалады. Бүгінде 94-тен астам орталық ашылды, деп хабарлайды astana-akshamy.kz.
«Ерте дамыту орталығының құрылымына дәрігер, патронаждық медбикелер, баланы дамыту кабинеттері, тамақтану жөніндегі ресурстық орталық, аудиологиялық және психофизикалық скринингтер жүргізуге арналған кабинет кіреді. Негізгі мақсаттар – дамудағы ауытқуларды ерте анықтау, балалармен түзету жұмыстары, отбасын қолдау, әлеуметтік бейімделу және оқуға дайындық, жан-жақты көмек көрсету үшін мамандарды үйлестіру. Бұл орталықтарға балаларды тар шеңберлі мамандар жібере алады, ата-аналар өз бетінше жүгіне алады. Сондай-ақ скрининг нәтижелеріне сәйкес учаскелік дәрігер жібереді», – деді спикер.
Оның айтуынша, ата-аналармен өзара әрекеттесуге, оларды баланы дамыту әдістеріне үйретуге көп көңіл бөлінеді.
