Елорданың Мемлекеттік кірістер департаментінде «Астана жастары» жастар ресурстық орталығы «Ойынға тәуелділіктің алдын алу» тақырыбында дәрістер ұйымдастырды, деп хабарлайды astana-akshamy.kz
Дәрістерді ұйымдастырушылар резиденттердің ойынға тәуелділікпен байланысты қауіп туралы білімдерін кеңейтуді, сондай-ақ әріптестер арасында өзін-өзі қолдау дағдыларын және қолдау көрсетуді дамытуды мақсат етті.
Сонымен, ойынға тәуелділіктің түсініктері мен ерекшеліктері, ойынға тәуелділіктің даму кезеңдері, алдын алу әдістері және дер кезінде көмек көрсету жолдары қарастырылды.
Іс-шарада гештальт әдісін қолданатын психолог, аддиктолог Данияр Джемантаев және аддиктолог, терапия және тәуелді мінез-құлықты түзету маманы Дарья Абрамова сөз сөйледі. Мамандар нашақорлыққа, оның ішінде құмар ойындарға тәуелді адамдарға көмек көрсететін орталықта тәжірибеден өтеді.
Дәрістер барысында құмар ойындарға тәуелділіктің маңызды аспектілері, оның салдары мен пайда болу факторлары айтылды. Қатысушылар да сұрақтарына жауап алды.
«Біз қай жерде көмек сұрауға болатыны туралы мәселеге ерекше назар аудардық. Өзіміз жұмыс істейтін «Көмек» оңалту орталығы туралы сөз қозғадық, онда біз ұзақ уақыт бойы тәуелді адамдарға қолдау көрсетіп келеміз. Сауығып бара жатқан адамдардың мысалдарын келтіріп, жаңа өмір бастау үшін тегін өзіне-өзі көмек көрсету топтарына жүгінуге болатындығын атап өтті. Егер бұл нәтиже бермесе, оңалту орталықтарына кәсіби көмекке жүгіну маңызды», – деді ол.
Тәуелділіктің алдын алу қызметкерлердің психоэмоционалдық жағдайын жақсартуға көмектеседі, ұжымның тұрақтылығын арттырады және салауатты атмосфераны қалыптастырады. Бұл өз кезегінде, жалпы өнімділік пен әл-ауқаттың жақсаруына ықпал етеді.
«Бұл іс-шара форматы қызметкерлер мен халықтың есірткі мәселелері туралы хабардарлығын арттыру үшін маңызды. Алдын алу және ерте диагностикалау ойынға тәуелділік пен басқа да психо-эмоционалдық бұзылулардың дамуымен байланысты тәуекелдерді айтарлықтай төмендетуі мүмкін. Біз әртүрлі ұйымдармен ынтымақтастық қоғамның психологиялық денсаулығын нығайтуға және нашақорлыққа тап болғандарға қолдау көрсетуді жақсартуға көмектесетініне сенімдіміз», – деп атап өтті Астана әкімдігінің «Астана жастары» ЖРО бөлімінің басшысы Арайлым Серікқызы.
