Заң талаптарын сақтау қоғамдағы тәртіп пен тұрақтылықты қамтамасыз етудің маңызды шарттарының бірі. Құқықтық мәдениет адамның заңдарды білуімен ғана шектелмейді, деп хабарлайды astana-akshamy.kz.
Ол қоғамдық орындардағы тәртіптен, өзгенің құқығына құрметпен қараудан, міндеттерін адал орындаудан және қабылдаған шешімдері үшін жауапкершілік алудан байқалады. Мұндай қасиеттердің қалыптасуына отбасы, білім беру ұйымдары және қоршаған орта ықпал етеді.
Заңды сақтау жазадан қорыққандықтан емес, оның қоғам үшін маңызын түсінгендіктен туындауы қажет. Әр азамат өз әрекетінің басқа адамдарға әсер ететінін ескерсе, құқық бұзушылықтардың алдын алуға да мүмкіндік артады. Заңға құрметпен қарайтын қоғамда адамдардың өзара сенімі нығайып, ортақ тәртіпті сақтау дағдысы қалыптасады.
