Биыл Алматы» ауданында аулаларды абаттандыру бойынша ауқымды жұмыстар жүргізілуде. Бүгінгі таңда 41 аулада жұмыстар толық аяқталып, бұл — соңғы жылдардағы ең жоғары көрсеткіш болып отыр, деп хабарлайды astana-akshamy.kz
Бұған дейін жарияланған абаттандырылған аулалар тізіміне қосымша ретінде, биыл келесі мекенжайлар да қамтылды:
Ғ. Мүсірепов көшесі, 4, 5, 6/4; Қ. Рысқұлбеков көшесі, 7/1, 8/1, 8/2; М. Жұмабаев даңғылы, 1, 3/1, 5, 5/1, 9, 9/1, 16, 16/1, 16/2; Абылай хан даңғылы, 27/1; Күйші Дина көшесі, 23, 26; Б. Майлин көшесі, 29/1; Романтиков көшесі, 27.
Абаттандыру аясында шағын архитектуралық формалар, балалар ойын алаңдары, спорт және workout-алаңдары орнатылып, автотұрақ орындары жасақталды, палисадниктер мен ойын алаңдарының жабыны жаңартылып, орындықтар мен қоқыс жәшіктері орнатылды.
Қала тұрғындары үшін жайлы орта қалыптастыру жұмыстары жалғасуда. Жаз соңына дейін қосымша 30-ға жуық ауланы абаттандыру жоспарланса, 50-ден астам аулада жөндеу-қалпына келтіру жұмыстары жүргізілді.
