Астана әкімі Жеңіс Қасымбек Үкіметтің кеңейтілген отырысында жеңіл рельсті трамвай жобасының қазіргі жай-күйінен ақпар берді, деп хабарлайды astana-akshamy.kz
— Күн сайын қала ішіндегі маршруттарға 1600-ден астам автобус шығады. Екі жыл ішінде астананың қоғамдық көлік паркі 45 пайыз жаңарды. Бұл бағыттағы жұмыс жалғасып жатыр, — деді Жеңіс Қасымбек.
Сондай-ақ, қыркүйек айында алғашқы сынақтар басталатынын еске салды.
— Сіздің қолдауыңыздың арқасында LRT жобасы мәреге жетуге жақын. Құрылыс жұмыстары аяқталып жатыр.
Биылғы қыркүйекте алғашқы пойыздар келіп, тестік сынақтар басталады, — деді әкім.
Еске салсақ, Үкіметтің кеңейтілген отырысында Мемлекет басшысы Астанадағы көлік кептелісі мәселесі өзекті болып тұрғаны туралы айтқан болатын.
Айта кетейік елордада Президент Қасым-Жомарт Тоқаевтың төрағалығымен Үкіметтің кеңейтілген отырысы өтіп жатыр.
