Біріккен күрес әлемі (UWW) Астананы 2026 жылғы әлем чемпионатын өткізу орны ретінде ресми түрде бекітті. Ауқымды халықаралық турнир 2026 жылдың 24 қазаны мен 1 қарашасы аралығында «Барыс Арена» спорт кешенінде өтеді, деп хабарлайды astana-akshamy.kz.
Бұл шешімді UWW Атқарушы комитеті ұйым отырысының қорытындысы бойынша қабылдады, онда халықаралық сапарларға әсер ететін қазіргі геосаяси факторлар, оның ішінде жалғасып жатқан қиындықтар қаралды.
Бастапқыда турнир өткен жылы өткізу құқығы берілген Манамада (Бахрейн) өтуі тиіс еді. Алайда UWW және Бахрейн күрес федерациясы бірлескен мәлімдемесінде жарыстың ауыстырылғаны туралы хабарлады.
Инспекциялық сапарлар мен нысандардың дайындығын бағалаудан кейін 2026 жылғы ӘЧ өткізілетін жаңа орын ретінде Қазақстан таңдалды. Айта кетейік, Астанада осыған дейін 2019 жылы әлемдік біріншілік өткізілген болатын.
Турнирдің кестесі мен жарыстың өткізілуіне қатысты өзге де ақпараттар кейінірек жарияланады.
