Роза Бағланова атындағы «Қазақконцерт» ұжымы Аустрияда өткен «Түркі апталығында» өнер көрсетті. Белгілі хореограф Әнел Марабаева «Аққу» биін билесе, дарынды опера әншісі Әйгерім Алтынбек «Алқоңыр» әнін орындады. Сонымен қатар қазақстандық «Temirlan & Yernat» тобы «Аlem» күйін орындады, деп хабарлайды astana-akshamy.kz.
Бұл мәдени іс-шара Түркі мемлекеттері ұйымының (ТМҰ) қызметін таныстыру аясында ұйымдастырылды. Апталықта түркі халықтарының бай мәдени мұрасы, ұлттық музыкасы мен би өнерінен сыр шертетін әсерлі қойылымдар көрсетілді.
«Түркі апталығы» аясында ТМҰ-ға мүше мемлекеттердің шығармашылық ұжымдары қатысқан концерттік бағдарлама өтті. Концертке Әзербайжан, Қазақстан, Қырғызстан, Түркия және Өзбекстан елдерінің өнерпаздары қатысты.
