«Таза Қазақстан»: онлайн-платформаға астаналықтардан 3500-ден астам өтініш түсті
Елорда тұрғындары «Таза Қазақстан» онлайн-платформасы арқылы абаттандыру, көгалдандыру, жол жөндеу және басқа да мәселелер бойынша өтініш жібере алады. Қызмет қала тұрғындары арасында жоғары сұранысқа ие, деп хабарлайды astana-akshamy.kz.
Әрбір қала тұрғыны абаттандыруға қатысты кез келген мәселені «Таза Қазақстан» платформасында көрсете алады.
Жүйе іске қосылған сәттен бері 3502 өтініш қабылданған. Оның ішінде 3127-сі орындалды, 27 өтініш орындау кезеңінде, қалғандары өңделу үстінде.
Тұрғындар көтерген негізгі мәселелер – аумақтарды абаттандыру, жарықтандыру, жолдарды жөндеу, көгалдандыру, рұқсатсыз қоқыс орындарын жою.
Барлық өтініш уақытылы қаралып, бұл тұрғындардың қолайсыздықтарын азайтуға мүмкіндік береді.
«Таза Қазақстан» порталының басты артықшылығы – тұрғындармен жедел әрі ашық өзара байланыс орнату.
