Бүгін – Ата Заң күні. Осыған орай Әзірбайжан Мәмбетов атындағы Мемлекеттік драма және комедия театрының алдында «Ата заңым – айбыным, адалдықты сақтаған» атты мерекелік концерт өтті, деп хабарлайды astana-akshamy.kz
Іс-шара аясында патриоттық әндер орындалып, театрландырылған көріністер қойылды.
—Конституция — еліміздің егемендігін, бірлігін және азаматтық құқықтарды бекіткен басты құндылық. Бұл – баршамыз үшін ортақ мереке!
Бүгінгі концерт – тек мерекелік көңіл күй сыйлау ғана емес, сонымен қатар Ата Заңымыздың мән-маңызын жас ұрпаққа ұғындырудың тамаша үлгісі.
Осындай іс-шаралар арқылы біз өз тарихымызды қадірлеуге, елге, заңға деген құрметті арттыра түсеміз. Егемен еліміздің болашағы – заңға бағынып, бірлік пен бейбітшілікті сақтауымызда, – дейді іс-шараға қатысқан қала тұрғыны.
