Самарқанд қаласында ТМД-ға қатысушы мемлекеттердің Шекара әскерлері қолбасшылары кеңесінің 92-отырысы аяқталды

Өзбекстан Республикасының Самарқанд қаласында ТМД-ға қатысушы мемлекеттердің Шекара әскерлері қолбасшылары кеңесінің 92-отырысы аяқталды, деп хабарлайды astana-akshamy.kz.

Оған ТМД – ға қатысушы мемлекеттердің тоғыз шекара ведомствосының, Тәуелсіз Мемлекеттер Достастығының Атқарушы комитетінің, ЕҚЫҰ үйлестіру қызметінің делегациялары, Достастықтың өзара іс-қимыл жасайтын органдарының, ШЫҰ ТӨҚ Атқарушы комитетінің және шекара қызметі ардагерлері қоғамдық бірлестіктерінің халықаралық одағының басшылары мен өкілдері қатысты.

Отырысқа қатысушылар алдында Өзбекстан Республикасы Мемлекеттік қауіпсіздік қызметі төрағасының бірінші орынбасары генерал-лейтенант Б. Тұрсынов және Тәуелсіз Мемлекеттер Достастығы Бас хатшысы аппаратының басшысы С. Бурутин сөз сөйледі.

Отырыста ТМД-ға қатысушы мемлекеттердің сыртқы шекараларында қалыптасқан ахуал талқыланды. Бұл тақырыпта шекара ведомстволары мен ТМД Терроризмге қарсы орталығының басшылары, ТМД – ға қатысушы мемлекеттердің қаржылық барлау бөлімшелері басшылары Кеңесі Хатшылығының және ШЫҰ РАТС Атқарушы комитетінің өкілдері сөз алды.

ЕҚЫҰ үйлестіру қызметінің төрағасы генерал-полковник А.Манилов Шекара әскерлері қолбасшылары кеңесінің қызметі шеңберінде өткізілген және жоспарланған іс-шаралар туралы егжей-тегжейлі баяндады.

Бөлек шешіммен Қазақстан Республикасы Ұлттық қауіпсіздік комитетінің шекара академиясына шекаралық бақылау проблемаларын зерттеу, кадрлар даярлау және бейінді мамандардың біліктілігін арттыру жөніндегі ТМД – ға қатысушы мемлекеттердің базалық ұйымы мәртебесін беру туралы ереже мақұлданды.