"Таза Қазақстан" республикалық экологиялық акциясы аясында Алматы ауданы әкімінің аппараты полиция қызметкерлерімен бірлесіп "Жерұйық" саябағында жалпы пайдаланымдағы орындардың ластануының алдын алуға бағытталған рейдтік іс-шара өткізді, деп хабарлайды astana-akshamy.kz.
Рейд барысында демалушылармен тазалықты сақтау, қоршаған ортаға ұқыпты қарау және қоғамдық аумақтарды ластағаны үшін жауапкершілік туралы профилактикалық әңгіме өткізілді. Саябақ тұрғындары мен қонақтарына қоқысты ортақ пайдалану орындарында қалдырғаны үшін әкімшілік жауапкершілікті көздейтін қолданыстағы заңнама нормалары түсіндірілді.
Жауапты демалыс мәдениетін насихаттауға ерекше көңіл бөлінеді. Іс-шараға қатысушыларға тұрмыстық қалдықтарды жинау, урналарды пайдалану және қоғамдық тәртіпті сақтау қажеттігі туралы еске салынды.
Мұндай профилактикалық рейдтер тұрақты негізде жүргізіледі және тұрғындар арасында экологиялық мәдениетті қалыптастыруға, қоғамдық кеңістіктердің тазалығы мен абаттандырылуын қолдауға, сондай-ақ елорда тұрғындары үшін қолайлы қалалық орта құруға бағытталған.
- Біз аптасына 2-3 рет осындай рейдтер өткіземіз. Жаздың басынан бастап аудан аумағында 30-ға жуық хаттама жасалды. Негізгі жұмыстар Жерұйық және Триатлон саябақтарында өтеді, – дейді Алматы ауданы әкімдігінің ішкі саясат бөлімінің бас маманы Алтынай Мұсаева
