2026 жылғы 15 тамызда Астана қаласында SABIS International School – Astana халықаралық мектебінің салтанатты ашылу рәсімі өтеді,деп хабарлайды astana-akshamy.kz
Жоба ҚР Президенті Қасым-Жомарт Кемелұлы Тоқаевтың тапсырмасын орындау аясында Астана қаласының Білім басқармасы мен «KAZAKH INVEST» ҰК» АҚ-ның қолдауымен жүзеге асырылды.
Мектептің сыйымдылығы – 3 400 оқушы, ал жер учаскесінің жалпы аумағы – 9 гектар. Мектеп үшін заманауи білім беру және спорт инфрақұрылымы дамыған заманауи кампус салынды.
Бұл – Қазақстандағы 1886 жылы құрылған және бүгінде бес құрлықтағы 21 елде ұсынылған SABIS жаһандық білім беру желісінің жүйесі бойынша жұмыс істейтін алғашқы мектеп.
Жобаның басты ерекшелігі – Қазақстанда халықаралық оқу бағдарламасын, жеке оқу материалдарын, оқыту әдістемелерін, білімді тұрақты бағалау жүйесін және оқушылардың өзін-өзі басқару тетіктерін қамтитын біртұтас білім беру жүйесінің енгізілуі. Оқу бағдарламасы ұлттық талаптарға бейімделіп, оқушыларды халықаралық емтихандарға және әлемнің жетекші университеттеріне түсуге дайындайды.
Оқыту үш тілде жүргізіледі: негізгі оқыту тілі – ағылшын тілі, сонымен қатар оқушылар қазақ және орыс тілдерін меңгереді. Мектеп алғашқы оқу жылында Pre-Kindergarten деңгейінен 5-сыныпқа дейінгі балаларды қабылдайды. Алдағы уақытта сыныптар жыл сайын толық K-12 білім беру бағдарламасы қалыптасқанға дейін кезең-кезеңімен қосылады.
БАҚ өкілдерін аккредиттеу:* 2026 жылғы 14 тамыз сағат 18:00-ге дейін
Телефон:* +7 747 661 98 93, Айғаным Кошанова
