Ел тынысы
Астанада құрылыс барысын қадағалау үшін жасанды интеллект технологиялары енгізілді
Астанада құрылыс барысын қадағалау үшін жасанды интеллект технологиялары енгізілді, деп хабарлайды astana-akshamy.kz
Жасанды интеллект және цифрлық даму министрлігі еліміздегі құрылыс жұмыстарының барысына мниторинг жүргізу үшін компьютерлік көру жүйелерін кеңінен қолдануға кірісті. Бұл туралы Үкімет отырысында министр Жаслан Мәдиев мәлімдеді.
2026-2027 жылдарға арналған бекітілген жоспарды жүзеге асыру шеңберінде ведомство алдын ала қадағалау тетігін іске қосуда. Бұл ретте жаңа технологиялық шешімдер әрбір нысанға өзінің цифрлық паспорты берілетін бірыңғай цифрлық экожүйені құруға жол ашып отыр. Бұл мониторингті жеделдетіп қана қоймай, тексерулер кезінде адами факторға байланысты болатын тәуекелдерді азайтады.
«Астанада құрылыс барысын қадағалау үшін компьютерлік көру және жасанды интеллект технологияларын енгізу бойынша пилоттық жоба іске қосылды. Жүйе жер учаскелерін мақсатсыз пайдалануды және қала құрылысы жоспарынан ауытқуларды ерте кезеңде автоматты түрде анықтауға мүмкіндік береді. Деректерді орталықтандыру барлық жүйелерді біртұтас цифрлық экожүйеге біріктіреді. Сәйкестендірудің ашықтығы объектілерге цифрлық паспорттар беруді қамтамасыз етеді. Өзара іс-қимылды автоматтандыру адами фактордың әсерін төмендетеді», — деп атап өтті министр.
