«QazaqGaz» ҰК АҚ қызметкерлерімен Жаңа Конституция нормаларын түсіндіру және алдағы референдум аясында кездесу өтті. Ашық форматта еңбек ұжымына жобаның негізгі баптары мен алдағы конституциялық өзгерістердің басты бағыттары таныстырылды, деп хабарлайды astana-akshamy.kz.
Диалог барысында заңдылық, әлеуметтік әділеттілік қағидаттарын нығайту және елдің тұрақты әлеуметтік-экономикалық дамуын қамтамасыз етуге бағытталған бастамалар егжей-тегжейлі түсіндірілді. Реформалардың өнеркәсіп секторын дамытудағы және азаматтардың қоғамдық-саяси өмірдегі рөлін арттырудағы маңызы атап өтілді.
Кездесу барысында Астана қалалық мәслихаты депутаттарыы Азамат Орынбасаров және Арсланбек Мағзұм сөз сөйледі.
Азамат Орынбасаров өз сөзінде: «Жаңа Конституциялық реформа азаматтарға өз құқықтарын белсенді пайдалануға мүмкіндік береді. Бұл әрбір маманның қоғамдағы рөлін күшейтіп, елдің дамуына нақты үлес қосуға жол ашады» деді.
Арсланбек Мағзұм «Референдум — халықтың тікелей қатысу құралы. QazaqGaz ұжымымен кездесу реформалардың күнделікті өмірдегі әсерін түсіндірудің тиімді тәсілі болды».
Кездесу конструктивті атмосферада өтті, қатысушылар өз пікірлерімен бөлісті және қызықтырған сұрақтарын қойды.
