«Астана Балет» театры елорда тұрғындары мен қонақтарын сиқырлы және мерекелік көңіл-күйге бөлеуге асық. Жаңа жыл қарсаңында театр қысқы ертегі қойылымдарының топтамасын ұсынады, олардың әрқайсысы жарқын эмоцияларға, хореографияның әсемдігіне және шынайы театр сиқырына толы, деп хабарлайды astana-akshamy.kz.
Дәстүр бойынша жаңа жылдық репертуардың негізі — Ресейдің Халық әртісі Алтынай Асылмұратованың қойған Василий Виноненнің редакциясындағы аты аңызға айналған «Щелкунчик» балеті. Спектакльге «Астана Балет» театрының әртістері, сондай-ақ Қазақ ұлттық хореография академиясының оқушылары қатысады.
Санкт-Петербор классикалық мектебінің ең жақсы үлгілерінің бірі ретінде танылған бұл қойылым премьерадан бері елорданың мәдени өміріндегі бәрі асыға күтетін оқиғалардың біріне айналды. Сегіз жыл бойы «Щелкунчик» театр сахнасында аншлаг жинап келеді — жыл сайын көрермен назарына 10-нан 15-ке дейін спектакль ұсынылады.
Балет өзінің мерекелік атмосферасымен, ауқымды көріністерімен, түрлі-түсті костюмдерімен және Петр Чайковскийдің сиқырлы музыкасымен баурап алады. Маша мен Щелкунчиктің басынан кешкен оқиғасы көптен бері Жаңа жыл маусымының символына, ал спектакльге бару көптеген отбасылар үшін жақсы дәстүрге айналды.
Әсіресе 19, 20, 21 және 23 желтоқсанда жас көрермен үшін театр балеттің балаларға арналған қысқартылған нұсқасын көрсетеді. Жеңіл, динамикалық және тартымды спектакль балалардың классикалық өнер әлемімен ыждаһатпен және жайлылықпен таныса алатындай етіп жасалған. Қойылымда негізгі сюжеттік желілер, жарқын би көріністері және Чайковскийдің негізгі музыкалық тақырыптары сақталған, бұл оны балет өнерімен алғаш танысу үшін таптырмас нұсқа етеді.
Қысқы бағдарламаны 7, 9 және 10 қаңтарда көрсетілетін «Қар патшайымы» ертегі-балеті жалғастырады. Қоюшы-балетмейстер әрі либретто авторы Георгий Ковтунның Ганс Христиан Андерсеннің әйгілі ертегісіне негізделген әсерлі және атмосфералық қойылымы кез-келген мұзды жібітуге қабілетті достықтың, мейірімділіктің және адалдықтың күші туралы айтады. Экспрессивті хореография, ауқымды декорация, көрнекі шешімдер және бай эмоционалды палитра спектакльді ересектер де, балалар да бірдей тартымды етеді.
23 және 24 қаңтарда көрсетілетін мейірімді және жарқын «Күлше қыз» ертегі-балеті қысқы афишаның шымылдығын жабады. Хореограф әрі либретто авторы Надежда Калининаның қойылымындағы Сергей Прокофьевтің музыкасына шығарыллған балет өзіне деген сенім, кейіпкердің күші және тағдырды өзгерте алатын ғажайып туралы айтады. Талғампаздық, романтика және жарқын сахналық бейнелер әлемге әйгілі сюжеттің сиқырын бейнелейді, ол «Астана Балет» әртістерінің орындауында ерекше жылы әрі шабыт дарытатын қасиетке ие.
Барлық спектакльдер бас дирижер Арман Оразғалиев пен дирижер Элмар Бөрібаевтың жетекшілігіндегі «Астана Балет» театрының симфониялық оркестрінің сүйемелдеуімен өтеді.
«Астана Балет» театрының қысқы қойылымдары мереке күндерін өнер, шабыт және нағыз ғажайыпқа толы атмосферада өткізуге тамаша мүмкіндік. Бұл спектакльдер ұрпақтар арасында сабақтастық орнатып, жылулық, қуаныш және есте қаларлық тәжірибе береді. «Астана Балет» театры өз көрермендерін қысқы ертегінің сиқырымен бөлісіп, сұлулық пен үйлесімділік әлемінде Жаңа Жылды қарсы алуға шақырады.
