Астана қаласының Төтенше жағдайлар департаментінің қызметкерлері жылу беру маусымында өрттің және тұрғындардың газдан улану қаупінің алдын алу мақсатында жеке тұрғын үйлерді аралап, қауіпсіздік талаптарын түсіндіріп жатыр, деп хабарлайды astana-akshamy.kz.
Бүгінге дейін мамандар профилактикалық шаралар барысында шамамен 4 200 үйді аралап шықты. Әлеуметтік осал топтағы азаматтар мен зейнеткерлердің үйлеріне газға қарсы арнайы 235 датчик орнатылды.
Сонымен қатар құтқарушылар әкімдік өкілдерімен бірлесіп, 40-тан астам үйдің мұржасын тазалады. Елорда тұрғындары жылу беру маусымында өрт қауіпсіздігі талаптарын сақтап, пештер мен жылыту құрылғыларының жарамдылығын үнемі тексеріп отырғаны жөн.
