Қауіпсіз қала тек заманауи инфрақұрылыммен емес, тұрғындардың ортақ жауапкершілігімен де қалыптасады, деп хабарлайды astana-akshamy.kz
Қоғамдық орындардағы тәртіпті сақтау, жол ережесін орындау, өзгенің тыныштығын құрметтеу және цифрлық кеңістікте әдеп нормаларын ұстану күнделікті мәдениеттің көрсеткіші. Осындай қарапайым қағидалар тұрақты сақталған кезде адамдар өздерін қорғалған әрі жайлы ортада сезінеді.
Заң мен тәртіп қағидатының мәні де осыдан көрінеді. Мемлекет азаматтардың құқықтарын қорғауға жағдай жасаса, әр адам белгіленген ережелерді сақтауға жауапты. Президент Қасым Жомарт Тоқаев қоғамда заңға құрмет пен жауапкершілік мәдениетін қалыптастыруға ерекше мән береді. Тәртіпті қоғам қатаң талаптардан ғана емес, адамдардың өз әрекетінің айналасындағыларға әсерін түсінуінен басталады.
