Астанада Қазақстан Республикасы Мәдениет және ақпарат министрлігінің өкілдері дистрибьюторлық компаниялардың өкілдерімен кездесті. Қатысушылар отандық киноиндустрияны дамыту және мемлекет пен кино нарығына қатысушылар арасындағы ынтымақтастық мәселелерін талқылады, деп хабарлайды astana-akshamy.kz.
Ұлттық киноға көрермендердің қызығушылығын арттыруға, «Заң мен тәртіп» қағидатын жүзеге асыруға, сондай-ақ фильмдерді тарату және көрсету кезінде заңнамада белгіленген талаптарды сақтауға ерекше назар аударылды.
Сонымен қатар ашық конкурстық іріктеу тәртібін сақтай отырып, Ұлттық киноны қолдау мемлекеттік орталығының функцияларын «Қазақфильм» киностудиясына беру, кино-рибейт тетігін енгізу, мемлекеттік тілдегі фильмдердің қолжетімділігін арттыру және ұлттық фильмдердің прайм-таймда көрсетілуін қамтамасыз ету мәселелері қаралды.
Кездесу қорытындысында заңнаманы жетілдіру барысында көрермендердің талғамы мен кино нарығының қажеттіліктерін ескерудің маңызы атап өтілді.