Астаналық волонтер жастар ЖИ мен заманауи технологиялар кеңістігі - Alem.ai орталығына барды, деп хабарлайды astana-akshamy.kz.
Астана қаласының жастар саясаты мәселелері басқармасы ұйымдастырған экскурсия мақсаты - жастарды жасанды интеллект саласындағы заманауи технологиялармен, цифрлық инновациялармен, сондай-ақ IT-саладағы даму және кәсіби өзін-өзі дамыту мүмкіндіктерімен таныстыру. Экскурсияға қатысушылар орталықтың инфрақұрылымымен танысып, Қазақстандағы жасанды интеллектті дамытудың негізгі бағыттары және заманауи цифрлық шешімдер туралы білді.
Орталықта олар жасанды интеллект мүмкіндіктерімен танысты, жаңа әзірлемелер туралы білді және технологиялардың бүгінгі әлемді қалай өзгертетінін көрді. Мұндай кездесулер технология туралы көбірек білуге ғана емес, жаңа идеялардан шабыт алуға, ой-өрісін кеңейтуге және болашаққа көз жүгіртуге мүмкіндік береді.
