Елордада Four Seasons LCD бойындағы жаяу жүргіншілер аллеясы бір күнге ұлы ақын, философ және ағартушы Абайдың мұрасына арналған атмосфералық өнер орнына айналды. Бұл жерде Абайдың туған күніне орай ашық аспан астындағы этноауыл ашылды, деп хабарлайды astana-akshamy.kz.
Іс-шара бағдарламасына сәйкес өнерпаздар Абайдың өлеңдері мен "Қара сөздерін" театрландырылған қойылымдар арқылы оқып, домбыра және қобызбен заманауи интерпретацияда музыкалық қойылымдар көрсетілді. Қонақтар этно-аксессуарлар жасау және қазақы ою-өрнектерді кестелеу бойынша шеберлік сабақтарына, ұлттық ойындар мен интерактивтерге, арт-инсталляцияларға, тақырыптық фотоаймақтарға және қазақстандық шеберлер жәрмеңкесіне қатысты. Онда жергілікті брендтердің эксклюзивті бұйымдары, авторлық әшекейлер мен ұлттық стильдегі декор заттары ұсынылды. Барлық ниет білдірушілер үшін есте қаларлық жеке портреттер жасайтын суретші-шаржист жұмыс істеді.
Іс-шараны SAT-NS құрылыс компаниясы ұйымдастырады. Жоба Абай мұрасын жанды, қолжетімді формат арқылы, музейден тыс және академиялық контекст арқылы насихаттауға арналды. Дәстүр тек өткеннің еншісінде қалып қоймай, қазіргі заманауи қалалық сәулет, өнер және шығармашылықта өмір сүруді жалғастыратынын көрсету мақсат етілді.
"Абай бізге әдеби мұра қалдырып ғана кетпей, өмірлік маңызды бағдар да беріп кетті. Ол білімге, үйлесімділікке және жаратылысты тануға шақырды. Біз бұл құндылықтар қазіргі қалада - адамдар өмір сүруге ыңғайлы кеңістіктерде көрініс таба алатынын көрсеткіміз келді",-деп атап өтті SAT-NS өкілдері.
Сондай-ақ этноауыл аумағында сәулеті мен ішкі экожүйесі Абай философиясымен астасып жатқан Abai city Mahabbat тұрғын үй кешенінің тұжырымдамалық аймағы ұсынылды. Бұл - балаларға арналған жеке аллеясы мен инклюзивті ортасы бар жайлылық класының жобасы. Үй Ұлы Дала даңғылының бойында орналасқан. 2027 жылдың I тоқсанында пайдалануға беріледі деп жоспарлануда.
