Астана қаласының Тұрғын үй және тұрғын үй инспекциясы басқармасы өнеркәсіптік қауіпсіздік саласындағы мемлекеттік инспекторлары құрылыс салушыға қатысты жоспардан тыс тексеру жүргізді, деп хабарлайды astana-akshamy.kz.
Тексеру барысында көп пәтерлі тұрғын үйлерде лифтілер есепке алынбай пайдаланылатыны, лифт құжаттары кондоминиум объектісін басқару органына берілмегені анықталды.
Тексеру нәтижелері бойынша бұзушылықтарды жою туралы нұсқама берілді және «Әкімшілік құқық бұзушылық туралы» Қазақстан Республикасының Кодексіне сәйкес әкімшілік айыппұл салынды.
«Астана қаласының Тұрғын үй және тұрғын үй инспекциясы басқармасы» ММ құрылыс салушылардың назарына Қазақстан Республикасының өнеркәсіптік қауіпсіздік саласындағы заңнамасына сәйкес лифттер орнатылып болғаннан кейін Басқармада есепке қойылатынын хабарлайды. Лифттерді есепке алмай пайдалануға тыйым салынады.
