Сарыарқа ауданы бойынша Белсенді ұзақ өмір сүру орталығында қатысушыларға құқықтық көмек көрсету және құқықтық сауаттылығын арттыру мақсатында «Заңгерлік кеңес» акциясы өтті, деп хабарлайды astana-akshamy.kz.
Акция барысында зейнеткерлер өздерін толғандырған құқықтық мәселелер бойынша білікті мамандардан кеңес алды. Мамандар қолданыстағы заңнама талаптарын жан-жақты түсіндіріп, күрделі өмірлік жағдайларда туындаған мәселелерді шешу жолдарын көрсетіп, қажетті құқықтық ақпарат ұсынды.
Қатысушылар мұндай кездесулердің өздері үшін өте пайдалы әрі маңызды екенін атап өтіп, ұйымдастырушыларға алғыстарын білдірді. Сондай-ақ, алдағы уақытта да осындай құқықтық кеңес беру іс-шаралары тұрақты түрде өткізіліп тұрса деген тілектерін жеткізді.
Адвокаттар алқасының адвокаттары, жеке сот орындаушылары мен нотариустар азаматтарды тегін қабылдап, түрлі құқықтық мәселелер бойынша жан-жақты кеңес берді. Акция барысында 30-дан астам зейнеткер құқықтық көмек алды.
