Мемлекет басшысы Қазақстан халқына арнаған Жолдауында креативті индустрияны цифрлық трансформация үдерісіне белсенді тарту қажеттігін атап өтті. Бүгінде цифрлық технологиялар шығармашылық саланың даму сипатын өзгертіп, мәдени өнімдерді әзірлеу мен таратуға жаңа мүмкіндіктер ашып отыр.
Бұл бағытта отандық шығармашылық өнімдерді цифрлық кеңістікте таныту, ұлттық өнер мен мәдени мұраны заманауи форматта насихаттау маңызды. Әсіресе, кино, музыка, анимация, дизайн және басқа да шығармашылық бағыттар үшін цифрлық платформалардың әлеуеті зор.
Жолдауда көтерілген міндеттер креативті индустрияның ел экономикасындағы орнын кеңейтуге және шығармашылық саланың жаңа технологиялармен сабақтас дамуына негіз болады.
