Астана қаласы мәслихатының төрағасы Ерлан Каналимов әріптесі Кендебай Адамбекпен бірге көрнекті мемлекет және қоғам қайраткері Оралбай Әбдікәрімұлын 80 жас мерейтойымен құттықтады.
«Оралбай Әбдікәрімұлының өмір жолы – Отанына адал қызмет ету мен еңбекке деген үлкен құрметтің жарқын үлгісі. 1969 жылы «Шахтинскжилстрой» тресті комсомол комитетінің хатшысы қызметінен бастап, маңызды мемлекеттік қызметтерді атқарды. 2004-2007 жылдары Қазақстан Республикасының Мемлекеттік хатшысы, Мемлекет басшысының кеңесшісі, Парламент Сенатының төрағасы және Сенаторлар кеңесінің мүшесі ретінде қызметін жалғастырды. Қоғам мен мемлекет алдындағы ерекше еңбегі үшін Оралбай Әбдікәрімұлы көптеген мемлекеттік наградаларға, соның ішінде «Барыс» орденінің I және II дәрежелеріне ие болды» деген Ерлан Каналимов мерейтой иесіне зор құрмет білдіріп, оған денсаулық, бақыт, сарқылмас қуат және ұзақ ғұмыр тіледі.
