Италияның Турин қаласында өтіп жатқан Қысқы Универсиадада шайбалы хоккейден Қазақстан ерлер құрамасы Чехияны жеңіп, жалпы есепте бесінші орынға тұрақтады, деп хабарлайды astana-akshamy.kz
Қазақстандық хоккейшілер қарсыласынан 5:2 есебімен басым түсті. Ел құрамасынан Олег Бойко (22-минут), Бейбарыс Оразов (31-минут), Денис Чапоров (44-минут) ижәне Семен Симонов (54, 55-минуттарда) мергендік танытты. Оған қарсыластар тарапынан Джошуа-Джеймс Маха (27-минут) және Йозеф Хасман (33-минут) екі голмен жауап қайырды.
Қазақстандық хоккейшілер А тобында сынға түсті. Қарсыластары — Канада, Чехия, Оңтүстік Корея және Швеция.
Алдымен Швецияны 9:2, Оңтүстік Кореяны 7:1 есебімен жеңіп, одан кейін Канадаға 3:4, Чехияға 1:3 есебімен жол берді. Өз тобында жеті ұпаймен үшінші орынға тұрақтады.
Ширек финалда қазақстандық хоккейшілер Словакияға 1:2 есебімен жол берді.
Ал Қазақстан әйелдер құрамасы жалпы есепте алтыншы орынға тұрақтады.
