Үндістанның Астанадағы Елшілігі MYBharat ұйымымен және Жастар істері және спорт министрлігімен бірлесіп, Ескек есу каналының жағалауындағы Махатма Ганди мүсіні орналасқан жерде Viksit Bharat Run 2026 іс-шарасын өткізді, деп хабарлайды astana-akshamy.kz.
Viksit Bharat Run 2026 іс-шарасы «Ұлтқа қызмет ету үшін жүгір» ұранымен бүкіл әлем бойынша 150-ден астам қалада ұйымдастырылды. Бастама Құрметті Премьер-министр Нарендра Модидің 76 жасқа толған туған күнін атап өтуге және Viksit Bharat көзқарасын нығайтуға арналды.
Іс-шара аясында үнді диаспорасының өкілдері мен қазақстандықтар ұзақтығы 3–5 км болатын жаппай жүгіруге қатысты. «Ek Ped Maa Ke Naam» («Ана атына бір ағаш») бастамасы аясында қоршаған ортаға деген жауапкершілік пен тұрақтылықты бейнелеу мақсатында елші Я.К. Сайлас Тангал мырза мен Байқоңыр ауданының әкімі бірлесіп ағаш отырғызды. Бұл іс-шараға үнді диаспорасының барлық мүшелері, елордалықтар, Астана қаласының жергілікті қауымдастығының мүшелері белсенді атсалысты.
