Астанада есірткіге байланысты құқық бұзушылықтардың алдын алуға бағытталған профилактикалық жұмыстар жалғасуда. Елорда полицейлері Инвестициялар және кәсіпкерлікті дамыту басқармасымен бірлесіп, «ТОКК КАЗАХСТАН» ЖШС еңбек ұжымымен кездесу өткізді, деп хабарлайды astana-akshamy.kz.
Кездесу барысында кәсіпорын қызметкерлеріне есірткі құралдарының заңсыз айналымына байланысты құқық бұзушылықтар үшін көзделген жауапкершілік түсіндіріліп, оларды тұтыну мен таратудың ықтимал салдары туралы ақпарат берілді.
Сондай-ақ отбасылық тәрбие мәселесіне ерекше назар аударылды. Қатысушыларға балалар мен жасөспірімдердің мінез-құлқындағы қандай өзгерістерге ата-аналар назар аударуы керектігі ескертілді. Бұл ықтимал қауіп-қатерлерді дер кезінде анықтауға және кәмелетке толмағандардың құқыққа қайшы әрекеттерге тартылуының алдын алуға мүмкіндік береді.
Профилактикалық жұмыстар, оның ішінде елорда кәсіпорындарының еңбек ұжымдарымен бірлескен іс-шаралар алдағы уақытта да жалғасады.
