Астаналық мектеп директоры «100 күнде 100 өлең» республикалық байқауында топ жарып, бас жүлдеге ие болды, деп хабарлайды astana-akshamy.kz.
«Assyltas» қоғамдық қорының ұйымдастыруымен өткен «100 күнде 100 өлең» республикалық байқауына еліміздің түкпір-түкпірінен 3000-ға жуық адам қатысты.
Жүз күнге созылған шығармашылық додада қатысушылар қазақ поэзиясының жауһарларын жаттап, мәнерлеп оқып, сөз өнеріне деген құрметін танытты.
Ауқымды байқауда Астананың атынан бақ сынаған №107 жалпы орта мектебінің директоры Айгүл Базарбайқызы «100 күн ішінде 100 өлең жаттап» өз білімін есте сақтау қабілетін және поэзияға деген сүйіспеншілігін көрсетті.
Нәтижесінде елордалық директор байқаудың бас жүлдесін жеңіп алып, автокөлік иегері атанды.
