«Matatalab Smart Sports Competition» робототехника олимпиадасының қорытындылары белгілі болды, деп хабарлайды astana-akshamy.kz.
Астана қаласындағы №2 «Дарын» облыстық мамандандырылған дарынды балаларға арналған мектеп-лицей-интернатының базасында «Matatalab Smart Sports Competition» робототехника олимпиадасы өтті.
Олимпиадаға 11 мектептен 20 команда, яғни 40 оқушы қатысты.
Қатысушылар келесі жас санаттары бойынша бақ сынасты:
8–11 жас (кіші жас санаты) – 16 оқушы, 8 команда;
12–14 жас (жоғары жас санаты) – 24 оқушы, 12 команда.
Біріншіліктің қорытындысы бойынша жеңімпаздар мен жүлдегерлер анықталды.
Кіші жас санаты бойынша:
І-дәрежелі дипломмен «Бірлік» командасы – Ақкөл ауданы, Кеңес ауылының жалпы орта білім беретін мектебінің 5-сынып оқушылары Садыков Роллан және Такисов Бекжан марапатталды.
ІІ-дәрежелі дипломмен «Junior» командасы – Ерейментау ауданы, Еңбек ауылының негізгі орта мектебінің 5 және 4-сынып оқушылары Мереке Альдияр және Байбол Мейірбан марапатталды.
ІІІ-дәрежелі дипломмен «Болашақ» командасы – Шортанды ауданы, Мықтыкөл ауылының негізгі орта мектебінің 5-сынып оқушылары Мұхтар Аяна және Болатбек Назерке марапатталды.
Жоғары жас санаты бойынша:
ІІ-дәрежелі дипломмен «Петровка-1» командасы – Астрахан ауданы, Петровка ауылының жалпы орта білім беретін мектебінің 7-сынып оқушылары Шәйкемел Алихан және Гайшунов Денис марапатталды.
ІІІ-дәрежелі дипломмен «Alau» командасы – Ақкөл ауданы, Кеңес ауылының жалпы орта білім беретін мектебінің 6-сынып оқушысы Махбоз Нұртілек және Барап ауылының жалпы орта білім беретін мектебінің 7-сынып оқушысы Әділ Жұлдызай марапатталды.
