Франциялық M6 телеарнасындағы танымал «Pekin Express» тревел-жобасының жаңа маусымы толығымен Қазақстанда түсіріліп, біздің елімізге арналды. Жақында жарық көрген бағдарламаның шығарылымында шетелдіктерге Астана таныстырылды, деп хабарлайды astana-akshamy.kz.
Шоудың 21 жылдық тарихында түсірілім алғаш рет қыста өтті. Қазақстан — жобаның бүкіл тарихында толық маусым бір елдің аумағында түсірілген үшінші мемлекет.
Бұл маусым көрермендер тарапынан жоғары қызығушылыққа ие болады деп күтілуде. Болжам бойынша, Франция, Бельгия, Монако және Швейцарияда көрермендер саны 7 миллионға дейін жетуі мүмкін.
