Астана қалалық мәслихатының депутаттары білім және спорт салаларындағы бірқатар нысандарда жүрмелі жиынын өткізді, деп хабарлайды astana-akshamy.kz.
Іс-шара инвестициялық және бизнес-климатты жақсарту, сондай-ақ отандық және шетелдік инвестициялық жобаларды қолдау мәселелері қаралатын алдағы сессияға дайындық аясында ұйымдастырылды.
Депутаттар жеке мектептер мен спорт орталықтарын аралады. Олардың қатарында New Generation School Astana, H2O Sports Club, «Фитнес Олимпия» және Kazakhstan International School Astana бар. Нысандарда олар мекемелердің қазіргі қызметімен танысып, бар мәселелерді талқылады және жұмысын әрі қарай дамыту бойынша ұсыныстарды тыңдады.
Жиналған материалдар мен ұсыныстар алдағы мәслихат сессиясына дайындық барысында ескерілетін болады.
