Астанада Esil University студенттері Қазақстан халқының бірлігі күніне арналған «Бірлігіміз жарасқан» фестивалін ұйымдастырды, деп хабарлайды astana-akshamy.kz
Фестиваль аясында мерекелік концерт өтті, онда студенттер мен оқытушылар Қазақстанның түрлі этностарының мәдени өмірін көрсетті.
Көрермендер вокалдық және би нөмірлерін тамашалады, сондай-ақ әртүрлі мәдениеттермен таныстырған қойылымдарды көрді.
«Қазақстан халқының бірлігі күніне арналған концерт біздің университетте достық пен өзара сыйластықтың мерекесі болды. Жарқын қойылымдар, түрлі этностардың мәдени мұраларын көрсету және жылы атмосфера барлығына бірлік пен өзара сыйластықтың маңыздылығын еске салды. Ұйымдастырушылар мен қатысушыларға осы ұмытылмас фестиваль үшін алғыс айтамын», – деді 1-курс студенті Дмитрий Титов.
Фестиваль сонымен қатар студенттерге өз таланттарын көрсетуге тамаша мүмкіндік берді. Жүргізушілер үш тілде – қазақ, орыс және ағылшын тілдерінде жүргізді.
«Бұл мереке әртүрлі этностардың мәдени мұрасын құрметтеуді және бейбітшілік пен келісімде өмір сүруге деген ұмтылысты білдіреді. Екі апта бойы дайындық жүргізілді, «Қадыр» Кавказ би ансамблі шақырылды, ал студенттер өздерінің вокалдық және би өнерлерін көрсетіп, үш тілде өлең оқыды», – деп атап өтті ЖОО жастар ісі комитетінің басшысы Никита Фролов.
Сондай-ақ университетте қайырымдылық жәрмеңкесі өтті, онда Қазақстанның түрлі этностарының дәстүрлі тағамдары көрсетілді.
