Елордада Solana фестивалінде «Астана жастары» волонтерлері «Esirtkisiz Elorda» жобасы аясында ақпараттық-түсіндіру жұмысын өткізді, деп хабарлайды astana-akshamy.kz.
Іс-шара барысында жастарға есірткінің зияны мен оның қоғамға тигізетін кері әсері туралы мәліметтер беріліп, салауатты өмір салтын насихаттайтын ақпараттық материалдар таратылып жатыр.
«Мақсатымыз – жастар арасында есірткінің алдын алу мәдениетін қалыптастырып, қауіпсіз әрі саналы қоғам құруға үлес қосу», – деді «Астана жастары» волонтері Амангелді Олжас.
