«Жасыл даму» АҚ-ның қатысуымен іс-шара 27 сәуір күні сағат 12:00-15:00 аралығында Тұран көшесі, 24 мекенжайындағы «Сарыарқа» сауда орталығында өтеді, деп хабарлайды astana-akshamy.kz
«ДАРмарка» – бұл әрбір адам өзіне қажет емес, бірақ жақсы күйде сақталған, қызықты заттарын әкелетін әрі оның орнына тегін, өзіне пайдалы нәрсені, мейлі ол киім, кітап, тұрмыстық заттар болсын, таңдап ала алатын алаң.
Жиынның мақсаты – қоғамның назарын саналы тұтынуға және табиғи ресурстарға жауапкершілікпен қарауға аудару. Қатысушылар қажетсіз заттарын кәдеге жаратып қана қоймай, қалдықтардың мөлшерін азайтып, жаңа тауарларды өндіруге арналған ресурс шығындарын барынша азайта алады.
«ДАРмарка» тұтынуды азайтуға және жаңа заттарды сатып алуға жауапкершілікпен қарауға әсер етеді. Жаңа тауарларды шығару қажеттілігін азайта отырып, заттарды қайта пайдалануға үйретеді.
Сондай-ақ, экологиялық саналы өмір салтын ұстанатын қоғамдастықтың қалыптасуына әсер етіп, практикалық дағдылар алмасу жүреді.
Кіру барлығына тегін.
